नेपालगन्ज : नेपालगन्ज मेडिकल कलेज शिक्षण अस्पताल कोहलपुरमा कार्यरत डा. देवेन्द्र आचार्यले लेखेको गीत ‘पुकुली माया’को म्युजिक भिडियो युट्युबमा सार्वजनिक भएको छ ।
डा. आचार्य पेशाले चिकित्सक हुन् उनी खेलकुद र गजल क्षेत्रमा समेत रुचि राख्छन् उनले बाँकेको नेपालगञ्ज मेडिकल कलेज शिक्षण अस्पताल कोहलपुरमा मेडिकल अफिसरका रुपमा कार्यरत रहेका छन् साथै उनले भेरी अस्पतालमा समेत काम गर्छन् । आचार्य गजल लेखनमा पनि त्यत्तिकै सक्रिय रहेका छन् । यही सिलसिलामा उनले ‘पुकुली माया’ गीत लेखेका हुन् ।
उक्त गीतमा अहिलेका चर्चित युवा संगीतकार राजेन्द्र बजगाईंले संगीत दिएका छन् । महेन्द्रराज बराल र रचना रिमालले गीत गाएका छन् ।
