नेपालगन्ज : नेपालगन्ज उपमहानगरपालिकाको पहलमा शनिबार नेपालगन्जका सडकमा रहेका छाडा चौपायालाई कान्जी हाउसमा लगेर छाडिएको छ ।
प्रहरी सहायक निरीक्षक लोक बहादुर डाँगीको नेतृत्वमा नगर प्रहरी लगायतको टोलीले सडका छाडा चौपायालाई धपाउदै कान्जी हाउसमा लगेर छाडिएको हो । जसमा खच्चड १४, घोडा १ एउटा, गाई गोरु ३५ वटा , बाख्रा ८ वटा रहेको डाँगीले बताउनुभयो ।
शनिबार बिहानैदेखि नेपालगन्जको सुर्खेत रोडमा रहेका चौपायालाई नेपाल प्रहरी, नगर प्रहरीले सडकबाट धपाउदै कान्जी हाउसमा लगेर छाडेको डाँगीले बताउनुभयो । उक्त समयमा चौपायाका मालिकहरु कारबाहीमा परिने डरले नजिक नआएको उहाँले बताउनुभयो । सडकमा छाडा चौपायाका कारणले दुर्घटना भइरहेको प्रहरीले बताएको छ ।
