नेपालगन्ज : नेपाल कम्युनिस्ट पार्टी माओवादी केन्द्र नेपालगन्ज उपमहानगरपालिका नगर कमिटीको आयोजना आज २७ औं जनयुद्ध दिवस नेपालगन्जमा भव्य रुपमा सम्पन्न भएको छ ।
नेपालगन्ज सेतुबिक चोक नजिक रहेको कार्यलयमा कार्यक्रमका प्रमुख अतिथि नेकपा (माओबादी केन्द्र)लुम्बिनी प्रदेश सदस्य तथा प्रदेश सभासद आईपी खरेलले उद्घाटन गरेर सुरु गरेको जनयुद्ध दिवसको कार्यक्रम हर्सोउल्साका साथ अबिर ग्रहण गर्दै बाजगाजा सहित र्यालिमा परिणत भएर भेरी अस्पताल अगाडि पुगेर कोण सभा गरिएको थियोे ।
कोणसभा लगत्तै भेरी अस्पतालका बिरामिहरुलाई फलफुल वितरण गरि जनयुद्ध दिवस मनाई यो | राजनीतिक रुपमा उथुलपुथ गर्ने र सामाजिक रुपमा चेतनाको दियो झोस्ने जनयुद्ध सुरुगरेको आजकै दिन हरेक वर्ष जनयुद्ध उत्साह पुर्वक मनाउने गरिन्छ। यसक्रममा आज साँझ पार्टी कार्यलयमा दिप प्रज्वलन गरि सहिदहरुको योगदानको स्मरण गर्ने कार्यक्रम रहेको पार्टीका नगर अध्यक्ष रतन बहादुर शाहीले बताउनुभयो ।
