नेपालगन्ज : बैकुण्ठ धाम सिधनीया घाट निर्माणार्थ यहीँ कार्तिक २२-३० गते सम्म नेपालगञ्जको रामलिला मैदान मा सञ्चालन हुन लागेको बैकुण्ठ धाम आध्यात्मिक महोत्सवका लागि निमन्त्रणा दिनको लागि बाँके साइक्लिङ संघ र क्लब बाँके, बर्दियाको विभिन्न ठाउँमा गएको छ ।
बाँके साइक्लिङ क्लबले ठाउँ ठाउँमा गएर निमन्त्रणा दिनुका साथै पम्पलेट, पोस्टर र स्टिकर टासेर प्रचार प्रसार गरेको क्लबका अध्यक्ष प्रदिप सापकोटाले बताउनुभयो ।
उक्त प्रचारप्रसारका लागि साइकलका माध्यमबाट बाँके जिल्ला साइक्लिङ संघ र नेपालगन्ज साइक्लिङ क्लवका टीम संयुक्तरूपमा बाँके र बर्दियाका जिल्लाका विभिन्न नगरपालिका, गाउँपालिकाहरूमा निमन्त्रणा बाढ्दै प्रचार प्रसार गर्ने काम सम्पन्न भएको जनाएको छ ।
उक्त महोत्सव सम्पन्न गर्न सचिवालयले साइक्लिङ समन्वय उपसमिति गठन गरिसकेको र त्यसको संयोजक प्रदिप सापकोटालाई बनाएको छ । साइक्लिङ संघ र क्लबले बैकुण्ठ धाम सिधनीया घाट बनाउने अभियानमा जुट्न सम्पूर्ण समाजसेवी, राजनीतिक कर्मी, स्थानीय सबैलाई अनुरोध गरेको छ ।
