नेपालगन्ज : नेपालगन्ज उपमहानगरपालिका वडा नं १२ निवासी हाल अमेरिकामा कार्यरत राजा खानको आर्थिक सहयोगमा महेन्द्र बहुमुखी क्याम्पस नेपालगन्जको मानवशास्त्र विभाग र नेपालगन्ज टेलिभिजनको आयोजनामा नेपालगन्जमा भएको खुल्ला पौडी प्रतियोगिताको उपाधी ओम भण्डारीले हाता पारेका छन् ।
विभिन्न जिल्लाहरु जाजरकोट, सल्यान , बर्दिया ,अछाम , दैलेख , कालिकोट, दाङ र नेपालगन्जका स्थानीयवासीहरु र विभिन्न क्याम्पसहरु , कलेज , बोर्डिङ स्कुलका गरेर ३५ जना खेलाडीहरु बीच भएको नेपालगन्ज “खुल्ला पौडी प्रतियोगिता सञ्चालन गरिएको थियो ।
आइतबार फाइनल खेलमा उपाधी ब्राइटल्याण्ड कलेज नेपालगन्जका ओम भन्डारीेले प्रथम भएर उपाधी जितेका हुन् । सोही कलेजका विद्यार्थी अमित रावल दोस्रो हुन सफल भए भने महेन्द्र बहुमुखी क्याम्पस नेपालगन्जका प्रविन सिंह तेस्रो हुन सफल भएका थिए ।
त्यसैगरी उदयमान खेलाडीका रुपमा ११ बर्षका दिप शिखा बोर्डिङ स्कुलमा अध्ययनरत अध्ययन भण्डारी भएको प्रतियोगिताका संयोजक महेन्द्र बहुमुखी क्याम्पसका प्राध्यापक गोकर्ण शाहीले बताए ।
विजेता खेलाडीहरुलाई ट्रफी वितरण गर्नुका साथै अन्य सहयोगी दाताहरूको सहयोगमा सम्पूर्ण खेलाडीलाई रात्रि कालिन भोजन खुवाइएको शाहले बताए ।
