कोहलपुर नगरपालिकाको १०औं स्थापना दिवसको अवसरमा कोहलपुर टुडेका प्रकाशक तथा प्रेस सेन्टर नेपाल बाँके जिल्ला कमिटी सहसचिव डिल्ली शाही सहिद चारजना पत्रकारलाई उत्कृष्ट पत्रकारीता पुरस्कारबाट नगद सहित सम्मान गरेको छ ।
कोहलपुर नगरपालिकाले उक्त क्षेत्रमा सत्य, तथ्य, निष्पक्ष तथा खोजमुलक पत्रकारीता एवम् नागरिक सचेतना अभिबृद्धि क्षेत्रमा कलम चलाएको भन्दै उनीहरुलाई पत्रकारीता पुरस्कार प्रदान गरेको हो ।
त्यसैगरी सम्मानित हुने पत्रकारहरुमा कोहलपुर टुडेका डिल्ली शाही, मिसन टुडेका शुभाखर विश्वकर्मा, साहारा टिभि खबरका हिमांसु शाही र समयपाटीका सर्जन आरसी रहेका छन् ।
सम्मान प्राप्त गर्ने डिल्ली शाहीलाई नगद रु १ लाख, शुभाकर विश्वकर्मालाई नगद रु ५० हजार र हिमांसु शाहीलाई नगद रु २५ हजार नगद पुरस्कार सहिद सम्मान गरेको थियो । पत्रकार शाही नेपाल पत्रकार महासंघका बाँकेका कार्यसमिति सदस्य हुन् ।
