नेपालगन्ज : आफ्नो चिकित्सक पेशालाई थाती राख्दै राजनीति क्षेत्रमा होमिएका डा- विनोद कर्णले पछिल्लो समयमा मतदाताहरुको मन जित्नु भएको छ ।
डा-कर्ण कुनै रहरले वा लोभले यो राजनीतिमा नआएको बताउनु हुन्छ उहाँले एउटा शहर र त्यो शहरमा बस्ने नागरिक त्यसमा पनि युवाहरुको लागि आधारभुत कुरा पनि नभइ रहेको अवस्थामा बाध्यताले उहाँ ती सबै कुरा पुरा गर्न र गराउन उहाँ आफ्नो भन्दा पृथक बाटोमा आउन बाध्य भएको कुरा बताउनुभयो ।
उहाँका अनुसार आफुले मासिक लाखौं रुपैयाँ कमाएर यश आरामले आफ्नो जिन्दगी जिउन सक्ने बताउदै देशको फोहरी राजनीति र नेताहरुले गरेको भ्रष्टाचार, खालि कुरामात्र काम नगर्ने प्रवृत्ति देखेर युवा नेतृत्व आएर यसलाई सही मार्गमा लैजानका लागि आफू बाँकेको प्रदेश नं २ ख बाट स्वतन्त्र पदको उम्मेदवार दिएको बताउनुभयो ।
नेपालगन्ज उपमहानगरपालिका अन्तर्गत रहेका वडा नम्बर १ देखि १२ र १४ र १५ मा प्रत्येक दिन तालिका बनाएर उहाँ मतदाहरुको घरदैलोमा पुगेको बताउनुभयो । राजनीतिक दलहरुबाट वाक्क दिक्क भएका मतदाहरुले स्वतन्त्र उम्मेदवारको खोजी गरिएको प्रतिक्रिया दिएको उहाँले बताउनुभयो ।
