नेपालगन्जः भेरी अस्पताल नेपालगन्जमा कोभिड महामारीको समयमा अहोरात्र खटिएर बिरामीको सेवा गरे बापत स्टाफ नर्स सुनिता बुढा सहकारीलाई राष्ट्रपतिद्वारा नयाँ वर्षको अवसर पारेर जनसेवा श्री पदकबाट विभूषित गरिएको छ ।
आज राष्ट्रपति कार्यालयमा आयोजित विशेष समारोहमा राष्ट्रपति विद्यादेवी भण्डारीले सहाकारीलाई जनसेवा श्री पदकबाट विभूषित गर्नुभएको हो ।
गत असोज ३ गते संबिधान दिवसको अवसरमा पदकको घोषणा गरिएपनि वितरण भने नयाँ वर्ष बैशाख १ गते गरिएको हो ।
स्टाफ नर्स सहाकारीले उक्त समयमा भेरी अस्पतालमा रहेर कोरोना महामारीमा अहोरात्र खटिएर बिरामीको सेवा गर्नु भएको थियो । त्यसैगरी भेरी अस्पताल नेपालगन्जमा प्रयोगशाला विभागमा काम गर्ने प्रसन्न मिश्रालाई पनि सम्मान गरिएको छ ।
