धारा नेपालगन्ज म्याराथनकाे तीन सदस्यीय टाेली बुधबार मलेसिया प्रस्थान गरेको छ ।
मलेसियाको राजधानी क्वालालम्पुर नजिकै पुत्राेजयामा हुने वर्ल्ड एथलेटिक्सकाे लेबल रेस मान्यताप्राप्त स्काेर म्याराथनमा भाग लिन नेपालगन्जकाे टाेली त्यसतर्फ प्रस्थान गरेको हाे । टाेलीमा गगन थापा, सुरज विक्रम आले र निर्मल लम्साल रहेका छन् । मलेसियाको सर्वाधिक ठूलो मानिने स्काेर म्याराथनमा निर्मलले ४२.१९५ किलोमिटरमा दाैड्नेछन् । उनी ११ओैं धारा नेपालगन्ज म्याराथनमा शीर्ष दशभित्र कुदुेका थिए । स्काेर म्याराथनमा पचास हजार बढीको संख्यामा दाैड्दैछन् ।
गगन र सुराेजले ठूलो म्याराथनकाे म्यानेजमेन्ट पक्षकाे अवलोकन गर्नुका साथै पाँच किलोमिटर दाैडमा भाग लिनेछन् । स्काेर म्याराथन नेपालकाे धारा नेपालगन्ज म्याराथनकाे पार्टनर म्याराथन हाे । प्रतिभाशाली खेलाडी, अफिसियल र स्वयंसेवकका लागि अवसर प्रदान गर्न धारा नेपालगन्ज म्याराथनले मलेसियाको स्काेरसँगै थाइल्यान्डको बाङ्सेन म्याराथन सिरिज लगायत विभिन्न देशका म्याराथनसँग सहकार्य गरेको छ ।
