नेपालगन्ज : प्रतिनिधि सभा सदस्य निर्वाचनका लागि फागुन २१ गते हुन लागेको निर्वाचनको लागि बाँके क्षेत्र नं २ अन्तर्गत नेपालगन्ज उपमहानगरपालिका मतदान केन्द्रमा निर्वाचनको सम्पूर्ण तयारी पूरा भएको छ ।
जम्मा ५ वटा मतदान स्थल रहेको नेपालगन्ज उपमहानगरपालिका वडा नं १२ को मतदान केन्द्रमा बुधबार साँझ नै मतदान पेटी समेत राखेर मतदान स्थलमा घेराउ गरिएको मतदान अधिकृत सुनिता शर्माले बताउनुभयो ।
उक्त मतदान केन्द्रमा पाँच वटा मतदान स्थल रहेकोमा जस अन्तर्गत मतदान स्थल क मा सुनिता शर्मा, ख मा मोहन घर्ती, ग मा प्रशान्त पोखरेल, घ मा अशोककुमार पाण्डे र ङ मा लबजङग थापा रहनु भएको छ ।
मतदान स्थलमा मतदाता क्रम संख्या ०१ देखि ८४०, ख मा ८४१ देखि १७०८, ग मा १७०९ देखि २५७६, घ मा २५७७ देखि ३४४४ र ङ मतदान स्थलमा ३४४५ देखि ४३३६ सम्म रहेको मतदान अधिकृत प्रशान्त पोखरेलले बताउनुभयो ।
निर्वाचन आयोगका अनुसार बिहान ७ बजेदेखि साँझ ५ बजेसम्म मतदान गर्न सकिने बताएको छ । निर्वाचन स्वच्छ, भयरहित वातावरणमा सम्पन्न गर्नका लागि सरकारले निर्वाचन प्रहरी, नेपाल प्रहरी, सशस्त्र प्रहरी र नेपाली सेनालाई परिचालन गरेको छ ।
