नेपालगन्ज : नजिकिँदै गरेको विजया दशमी, शुभ दिपावली, नेपाल संवत् , छठ लगायतका चाडपर्वको उपलक्ष्यमा सामुदायिक प्रहरी सेवा केन्द्रको दशै मिलन तथा शुभकामना आदानप्रदान कार्यक्रम गरेको छ ।
सोमबार सामुदायिक प्रहरी केन्द्रको आफ्नै भवनमा सामुदायिक सेवा केन्द्र तथा सामुदायिक प्रहरी सेवा केन्द्र संस्थाका अध्यक्ष दिपेन्द्र कुमार जोशीको अध्यक्षतामा नेपालगंज उप-महानगरपालिका वडा नं.०२ को वडा अध्यक्ष मनोज कुमार श्रेष्ठको प्रमुख आथित्यमा भएको कार्यक्रम जिल्ला प्रहरी कार्यालय बाँकेमा नयाँ आउनु भएको डि.एस.पी. आयुश प्रसाद जोशीलाई स्वागत समेत गरिएको थियोे ।
कार्यक्रममा नयाँ आउनु भएको डि.एस.पि. जोशीले बाँके जिल्लालाई गुण्डागर्दी मुक्त बनाउने, लागु औषध मुक्त बनाउन हर प्रयास गर्ने र यसमा सबैले साथ दिनुपर्नेमा जोड दिनु भएको थियो । उहाँले सामुदायिक प्रहरी सेवाको खुलेर प्रशंसा समेत गर्नु भएको थियोे ।
उक्त कार्यक्रममा संस्थाका कार्य समिति, सल्लाहकारहरु , विभिन्न संघ संस्थाका प्रमुख तथा प्रतिनिधिहरु,मिडियाकर्मी हरुको उपस्थित रहेको अध्यक्ष जोशीले बताउनुभयो ।
