नेपालगन्ज – भेरी अस्पताल नेपालगन्जको प्रमुख मेडिकल सुपरिन्टेन्डेन्टको जिम्मेवारी डा. प्रकाश थापालाई दिइएको छ ।
अस्पतालका वरिष्ठ कन्सल्टेन्ट अर्थोपेडिक सर्जन थापा दशौं तहका चिकित्सक हुनुहुन्छ ।
अस्पतालमा यसअघि मेडिकल सुपरिटेन्डेन्टमा डा.पवनजंग रायमाझी हुनुहुन्थ्यो ।
यसअघि दुई पटक मेसुको जिम्मेवारी सम्हालिसक्नु भएका डा. थापाले कोरोनाकालमा बिरामीको उपचार तथा व्यवस्थापनमा निर्वाह गरेको भूमिकाको प्रशंसा हुँदै आएको छ ।
