नेपालगन्ज : नेपालगन्जमा रहेको होटल सुनाखरी रेष्टुरेन्ट प्रा.लि. ले छैठौं वर्ष पूरा भएको उपलक्ष्यमा आज वृहत् सरसफाइ तथा मानव सेवा आश्रममा बिहानको खाना खुवाएको छ ।
आफ्नो होटल व्यवसायको साथसाथै सामाजिक काममा पनि त्यत्तिकै सक्रिय रहेको सुनाखरी होटलले शनिवार बिहान वडा नं १२ मुक्तिपुरको सडक सरसफाइ गरेको हो भने नेपालगन्जमा रहेको मानव सेवा आश्रममा रहेका जिउदाँ देवी देवता भगवान रुपी बुबा आमा , बाल गणेश बालबालिकालाई बिहानको खाना होटलबाट बनाएर लगेर खुवाएको उक्त होटलका मेनेजर घनश्याम शर्माले बताउनुभयो ।
होटल स्थापना कालदेखि नै सबैको रोजाइमा पर्ने गरेको छ। सुनाखरीमा खाना, बालबालिकालाई खेल्न, बिबाह गराउन, कुनै भोजभतेर गराउन, ब्रतबन्दको लागि उचित व्यवस्था छ, तीनवटा ठूला ठूला सेमिनार हलको पनि व्यवस्था भएको, कर्मचारीहरुको बोली व्यवहार र जुनसुकै किसिमको पनि खानाको परिवार स्वादिष्ट हुने हुदा सबैको रोजाइ परेको होटलका अध्यक्ष पवित्र प्रकाश शर्माले बताउनुभयो ।
