नेपालगन्ज : बर्दियाको गुलरिया नगरपालिका वडा नं ४ निवासी पुजा खत्री जसले एक वर्षमा पाँच ठाँउबाट लोकसेवाको परीक्षा उत्तीर्ण गरेकी छिन ।
उनले स्वास्थ्य सेवा तर्फ लुम्बिनी प्रदेश , बाग्मती प्रदेश र कोशी प्रदेशमा पाँचौ तहको आवेदन फारम भरेर नाम निकालेकी हुन भने कर्णाली प्रदेश र कोशी प्रदेशमा चौथो तहको आवेदन फारम भरेकी नाम निकाल्न सफल भएकी थिइन् ।
यी सबै पाँच वटै परीक्षा उत्तीर्ण गरेकी खत्रीले लुम्बिनी प्रदेश लोकसेवा कार्यालयको पाचौ तहको लिखित र मौखिक परीक्षा उत्तीर्ण गरि प्युठान जिल्ला सिफारिस भए पछि अन्यमा अनुपस्थित जनाएकी छिन ।
२३ वर्षकी खत्री एक सामान्य घर परिवारमा हुर्केकी र बर्दिया गुलरिया स्थित ध्रुव मा वि. सामुदायिक विध्यालयमा अध्ययन गरेकी उनका श्रीमान नवीन आचार्यले बताए । उनले स्वास्थ्य तर्फ एच ए. सामान्य चिकित्सा अध्ययन गरेकी छिन ।
