नेपालगन्ज : नेपालगन्ज उपमहानगरपालिका वडा नं १ निवासी गगन पौडेल र उहाँको धर्मपत्नी रुपा पोखरेलले बैबाहिक वर्षगाठको उपलक्ष्यमा नेपालगन्ज उपमहानगरपालिका वडा नं १० मा रहेको मानव सेवा आश्रममा मिक्सर, नगद तथा फलफूल त्यहाँ रहेका बुबाआमा तथा बालबालिकालाई उपलब्ध गराएका छन् ।
आज दिउँसो २ बजे उक्त सेवा आश्रममा गएर केही नगद रुपैयाँ र मसला पिस्नको लागि सहजहोस् भनेर मिक्सर उपलब्ध गराएको पौडेलले बताए । सो अवसरमा मानवता नेपाल बाँकेको उपाध्यक्ष सुमन गिरी श्रेष्ठ, सचिव केपी घिमिरे, बैबाहिक जोडीका बुबा आमा बिष्णु पोखरेल र मति पोखरेलको उपस्थिति रहेको थियोे ।
उक्त कार्यक्रममा लक्ष्मी नारायण आमा बुबालाई नास्ता पनि खुवाइएको थियो । सो मनकारी जोडीलाई सबैलाई विशेष धन्यवाद दिएका थिए । उक्त सं्थामा आइ भगवान रुपी बुबाआमालाई सहयोग गर्नुहुने सबैलाई संस्थाका बाँके जिल्ला संयोजक उर्बिन सापकोटाले बताए ।
पत्रकार गगन पौडेल नागरिक धार अनलाइनका सम्पादक रहेका छन् ।
