नेपालगन्ज – नेपालगन्ज उपमहानगरपालिका वडा नम्बर ४ को आयोजना र समुदाय-प्रहरी साझेदारीको सहाकार्यमा “हाम्रो वडा राम्रो वडा” अभियान अन्तर्गत विशेष सरसफाइ तथा जनचेतनामूलक कार्यक्रम सम्पन्न भएको छ ।
नेपालगन्ज उपमहानगरपालिका वडा नं ४ भित्र रहेको सल्यानीबाग चोक देखि देवाफुलबारी टोलसम्म बृहत सरसफाई कार्यक्रम सम्पन्न गरिएको छ । रासिद अलिकाे अध्यक्षतामा ९सदस्यीय (देवाफुलवारी-उचुवा) टाेल समिति गठन गरिएको वडा अध्यक्ष गोपाल पुनले बताए l
उक्त सरसफाई अभियानमा नेपालगन्ज उपमहानगरपालिका वडा नं ४ का अध्यक्ष गोपाल पुनकाे अध्यक्षतामा , नेपाल कम्युनिस्ट पार्टी माओवादी केन्द्र बाँकेका अध्यक्ष तथा खजुरा गाउँपालिका प्रमुख डम्बरबहादुर बि. क.को प्रमुख आतिथ्यतामा सम्पन्न कार्यक्रममा जिल्ला समन्वय समितिका सदस्य रेवती परियार , वडा सदस्य रुमित श्रेष्ठ , सलिम मुसलमान , उत्तामसिं सिंजापती , जनप्रतिनिधि , कर्मचारी ,स्वयं सेबक , नेपाल प्रहरी,सामुदायिक प्रहरी लगायत स्थानीयबासीहरुको सहभागिता रहेको थियो ।
कार्यक्रममा आफ्नो घरबाट निस्केको फोहोर वर्गीकरणको आधारमा व्यवस्थापन गर्न र घर आंगन सफा राख्न अनुरोध गरिएको पुनले बताए l
