रुपन्देहीको मर्चवारमा चट्याङ्ग लागेर मर्चवारी गाउँपालिका वडा नम्बर ३ रायपुर कोमरवाका १५ वर्षिय श्यामसुन्दर यादवको मृत्यु भएको छ भने अन्य ४ जना घाइते भएका छन् ।
मर्चवारका छुट्टाछुट्टै ठाउँमा भएका घटनामा एक जनाको मृत्यु भएको र अन्य ४ जना घाइते भएका रुपन्देही प्रहरी प्रवक्ता सत्य नारायण थापाले जानकारी दिए । उनीसँगै रहेका स्थानीय ११ वर्षिय सन्तोष यादव घाइते भएका छन् । उनको स्थानीय मेडिकलमा उपचार भइरहेको छ ।
त्यसैगरी चट्याङ्ग लागेर मर्चवारी गाउँपालिका–१ कोटियहवाको इन्द्रावती यादव, माया यादव, गौरी यादव चट्याङबाट घाइते भएको प्रवक्ता थापाले बताएका छन् ।
उनीहरुलाई उपचारको लागि युनिभर्सल मेडिकल कलेज भैरहवा उपचारको लागि लगिएको प्रहरीले जनाएको छ । घटनाबारे थप अनुसन्धान भइरहेको इलाका प्रहरी कार्यालय मर्चवारले जनाएको छ ।
