गुल्मी : गुल्मीको मदाने गाउँपालिका वडा नं ६ मा लक्षित महिलाहरुका लागि १० दिने आधारभूत बाजा बजाउने तालिम सम्पन्न भएको छ ।
मदाने गाउँपालिका आत्मनिर्भर महिला विकास समिति र वडा नं ६ को आयोजना गरिएको तालिममा ११ जना महिलाहरुले कुशलता पुर्वक पञ्चे बाजा बजाउने तालिम सिकेका वडा अध्यक्ष मनिराम थापाले नागरिक पथ अनलाइनलाई बताउनुभयो ।
उक्त कार्यक्रममा गाउँ पालिका अध्यक्ष महेन्द्र कुवरले सिकेको सिपलाई व्यवहारमा उतार्नु पर्नेमा जोड दिदै आगामी दिनहरुमा पनि पालिकाले निरन्तर सीप सिकाइका कार्यक्रम ल्याउने बताउनुभयो । समापन कार्यक्रममा स्थानीय बुद्धिजीवी, समाजसेवी , स्थानीय लगायतको उपस्थिति रहेको थियो ।
