नेपालगन्ज – प्रेस सेन्टर नेपाल बाँकेको आज बसेको दोस्रो पुर्ण बैठकबाट संगठनले विभिन्न निर्णयहरु गरेको छ ।
उक्त संगठनका अध्यक्ष डक्ट प्रसाद धितालको अध्यक्षतामा बसेको बैठकले संगठन बिस्तार गर्ने क्रममा स्थानीय तह कोहलपुर नगरपालिका , बैजनाथ गाउँपालिका ,राप्ती सोनारी गाउँपालिका र नरैनापुर गाउँपालिकाको इन्चार्जमा वरिष्ठ उपाध्यक्ष राजेश आचार्य र नेपालगन्ज उपमहानगरपालिका ,खजुरा गाउँपालिका,जानकी गाउँपालिका र डुडुवा गाउँपालिकाको इन्चार्जमा उपाध्यक्ष आलम खानलाई जिम्मेवारी तोकेको छ ।
बैठकले संगठनको कार्यालय स्थापना गर्न आवश्यक र उचित जग्गा खोज्ने निर्णय गरेको छ । बैठक तथा कार्यक्रम सन्चालन कार्यविधी बनाउन कार्यवाहक सचिव केपी घिमिरेलाई जिम्मेवारी दिने , आवश्यक तथा तत्काल गर्नुपर्ने कामकारबाही र निर्णय गर्दा पदाधिकारी तथा कार्यलय टिमले गर्ने गरि अख्तियारि दिने निर्णय सर्वसहमतिले पारित गरेको छ । संगठनले सबै पदाधिकारी तथा साधारण सदस्यहरुको परिचयपत्र बनाउने, सदस्यता नयाँ दिने, कार्यालय खोज्ने लगायतको निर्णय गरिएको अध्यक्ष धितालले बताउनुभयो ।
साथै बैठकले आगामी केन्द्रीय तथा प्रदेश अधिबेशनका लागि महाधिवेशन प्रतिनिधि समेत सर्वसहमतिले छनोट गरेको छ ।
उक्त बैठकमा संगठनका पूर्व अध्यक्षहरु सुशील लामिछाने र प्रदिप वाग्लेको उपस्थिति रहेको थियोे ।
